தமிழீழ அரசாங்கத்தை ஏற்றுக்கொள்ளும் கொள்ளும் நாடுகளுடன் தூதரக உறவுகள் முறிக்கப்படும்?

தமிழீழ அரசாங்கத்தை ஏற்றுக்கொள்ளும் கொள்ளும் நாடுகளுடன் தூதரக உறவுகள் முறிக்கப்படும்? பத்மநாதனை கைதுசெய்யுமாறு பிடிபிராந்து:

 

விடுதலைப்புலிகளின் சர்வதேச உறவுகளுக்கான பொறுப்பாளர் செல்லராஜா பத்மநாதனினால், இலங்கைக்கு வெளியில் அமைக்க உள்ளதாக கூறப்படும் தமிழீழ அரசாங்கத்தை ஏற்றுக்கொள்ளும் கொள்ளும் நாடுகளுடன் தூதரக உறவுகளை முறித்து கொள்ள போவதாக அரசாங்கத்தின் உயர்மட்டத் தரப்பு தகவல்கள் தெரிவித்துள்ளன.

 

தமிழீழ அரசாங்கத்iதை அமைப்பது தொடர்பாக அமெரிக்காவில் உள்ள சட்ட நிபுணர் விஸ்வநாதன் ருத்ரகுமாரன் தலைமையில் குழுவொன்று அமைக்கப்படும் என பத்மநாதன் மின்னஞ்சல்கள் மூலம் ஊடகங்களுக்கு அறிவித்திருந்தர். அத்துடன் இதற்காக இலங்கை உள்ளிட்ட உலகில் உள்ள தமிழ் அமைப்புகளின் ஆதரவையும் அவர் கோரியிருந்தார். இந்த மின்னஞ்சல்கள் நோர்வேயில் இருந்தே அனுப்பபட்டுள்ளதாக சிங்கள நாளிதழ் ஒன்று குறிப்பிட்டுள்ளது.

 

இலங்கைக்கு வெளியில் தமிழீழ அரசாங்கம் ஒன்றை அமைக்க முயற்சிக்கும் பத்மநாதனை கைதுசெய்யுமாறு பிடிபிராந்து:

இலங்கைக்கு வெளியில் தமிழீழ அரசாங்கம் ஒன்றை அமைக்க முயற்சிக்கும், விடுதலைப்புலிகளின் ஆயுத வலையமைப்பின் பிரதானி கே.பி என்ற குமரன் பத்மநாதனை கைதுசெய்யுமாறு இலங்கை அரசாங்கம் முதல் முறையாக நேற்று உத்தியோபூர்வமான பிடிபிராந்தை சர்வதேச காவற்துறையினருக்கு வழங்கியுள்ளது.
தாய்லாந்து, மலேசியா உள்ளிட்ட பத்து நாடுகளுக்கு இந்த பிடிவிராந்து வழங்கப்பட்டுள்ளது.

சர்வதேச காவற்துறையினர் கே.பியின் சகோதரர் யோகேஸ்வரன், உறவினரான சிவக்குமார் ஆகியோரிடம் விசாரணை நடத்திய போதிலும் அவர் இருக்கும் இடம்குறித்த தகவல்கள் வெளியாகவில்லை. எனினும் இந்த மாதத்தின் முதல் வாரத்தில் கே.பி. மலேசியாவில் இருந்ததாக நோர்வே புலனாய்வுதுறையினர் அறிந்து கொண்டுள்ளனர்.

இதனை தவிர நோர்வேயின் சர்வதேச அபிவிருத்தி அமைச்சர் எரிக் சொல்ஹெய்ம் மற்றும் கே.பிக்கும் இடையில் ரகசிய பேச்சுவார்த்தைகள் நடந்துள்ளமை குறித்து இலங்கை அரசாங்கத்திற்கு தகவல்கள் கிடைத்துள்ளதாக கூறப்படுகிறது.