வெள்ளை கொடி பிடித்து பேச்சுவார்த்தைக்கு சென்ற நடேசனை கொன்று விட்டனர்

வெள்ளை கொடி பிடித்து பேச்சுவார்த்தைக்கு சென்ற நடேசனை கொன்று விட்டனர்: விடுதலைப்புலிகள் புகார்

 

 

 

 

 

விடுதலைப்புலிகள் சர்வதேச விவகார தலைவர் பத்மநாபன் வெளியிட்டுள்ள அறிக்கையில் கூறி இருப்பதாவது:-

 

போர் பகுதியில் ஏராளமான பொதுமக்கள் பெரும் பாதிப்புக்குள்ளாகி இருந்தனர். அவர்களை காப்பாற்ற வேண்டும் என்பதற்காக நாங்கள் போரை நிறுத்தினோம். மக்கள் உயிரை காப்பாற்றும் நோக்கத்துடன் எங்கள் வேண்டுகோள்படி விடுதலைப்புலிகள் அரசியல் தலைவர்கள் ராணுவ அதிகாரிகளுடன் பேச்சுவார்த்தை நடத்த முற்பட்டனர்.

 

இதற்காக விடுதலைப்புலிகள் அரசியல் பிரிவு தலைவர் நடேசன், புலித்தேவன் ஆகியோர் ஆயுதங்கள் இல்லாமல் வெள்ளை கொடி பிடித்தபடி 58-வது டிவிசன் சிங்கள படை அதிகாரிகளை சந்திக்க சென்றனர். அவர்களும் பேச்சுவார்த்தைக்கு சம்மதித்ததால்தான் சந்திக்க சென்றனர்.

 

ஆனால் பேச்சுவார்த்தைக்கு சென்று கொண்டிருந்தபோதே நடேசனையும், புலித்தேவனையும் சுட்டுக்கொன்று விட்டனர்.

 

இதை கடுமையாக கண்டிக்கிறோம். பேச்சுவார்த்தை நடத்த சென்றவர்களை கொன்றது மனிதாபமான மற்ற செயல். அதுவும் அரசியல் தலைவர்களை கொன்று உள்ளனர். இது சர்வதேச விதிமுறைகளை மீறிய செயல். இலங்கை மீது சர்வதேச சமுதாயம் நடவடிக்கை எடுக்க வேண்டும்.

 

நாங்கள் பிடித்து வைத்திருந்த 7 இலங்கை வீரர்களை மனிதாபிமான அடிப்படையில் விடுவித்த நேரத்தில் இப்படி ஒரு கொடூர செயலை செய்துள்ளனர்.

 

போர் பகுதியில் இருந்து வெளியே சென்ற மக்களை இலங்கை ராணுவம் கைதிகள் முகாமுக்குள் அடைந்து வைத்து உள்ளது. அவர்களுக்கு சர்வதேச சமுதாயம் உதவ வேண்டும். அங்கு இனியும் போர் குற்றங்கள் நடக்காமல் தடுக்க வேண்டும்.

 

இவ்வாறு அவர் கூறியுள்ளார்.