தேர்தல் நிலவரம்:தனித்து ஆட்சி அமைக்கும் அளவுக்கு எந்த கட்சிக்கும் பெரும்பான்மை பலம் கிடைக்காது

 

புதுடெல்லி, மே. 16-

பாராளுமன்றத்தேர்தலில் தனித்து ஆட்சி அமைக்கும் அளவுக்கு எந்த கட்சிக்கும் பெரும்பான்மை பலம் கிடைக்காது என்று கருத்துக்கணிப்புகளில் கூறப்பட்டிருந்தன.

 

இன்று வெளியான தேர் தல் முடிவுகளும் அதை நிரூபித்தன.

 

இன்று காலை தேர்தல் முடிவுகள் வெளியாக தொடங்கியதில் இருந்து காங்கிரசும், பா.ஜ.க.வும் போட்டி போட்டு முன்னிலை பெற்றன. காலை 9 மணிக்கு 50 தொகுதிகளில் பா.ஜ.க.வும், 55 தொகுதிகளில் காங்கிரசும் முன்னணியில் இருந்தன.

 

9.30 மணிக்குப் பிறகு பா.ஜ.க. கூட்டணியை விட காங்கிரஸ் கூட்டணி அதிக தொகுதிகளில் முன்னிலை பெற்றது. காங்கிரஸ் கட்சிக்கு எதிர்பாராத தொகுதிகளில் இருந்தும் முன்னணி நிலவரம் வந்தது.

 

10 மணி நிலவரப்படி காங்கிரஸ் கூட்டணி 171 இடங்களில் முன்னிலையில் இருந்தது. பா.ஜ.க. கூட்ட ணிக்கு 115 இடங்களே கிடைத்திருந்தன. 3-வது அணி வேட்பாளர்கள் 52 இடங்களிலும்,
4-வது அணி வேட்பாளர்கள் 16 இடங்களிலும் வெற்றி வாய்ப்புடன் இருந்தனர்.