பொட்டு அம்மன் உயிருடன் இருக்கும் தகவல் இன்று (சனி) காலை வெளியானது.

 

 

 

விடுதலைப்புலிகள் இயக்கத்தில் பிரபாகரனுக்கு அடுத்த இடத்தில் இருப்பவர் பொட்டு அம்மன். நந்திக்கடல் பகுதியில் பிரபாகரன் கொல்லப்பட்ட போது பொட்டுஅம்மனையும் கொன்று விட்டதாக சிங்கள ராணுவம் அறிவித்தது.

 

பிரபாகரன் உயிருடன் இருப்பதாக அதிகாரப்பூர்வமாக தெரிவித்த விடுதலைப்புலிகள் அவர் எப்படி தப்பிச்சென்றார் என்ற முழு விபரத்தையும் நேற்று முன்தினம் வெளியிட்டனர். இந்த நிலையில் பொட்டு அம்மன் உயிருடன் இருக்கும் தகவல் இன்று (சனி) காலை வெளியானது.

 

விடுதலைப்புலிகள் இயக்கத்தின் உளவுப்படை தலைவரான பொட்டு அம்மன் இலங்கை கிழக்கு மாகாணத்தில் ஒரு அடர்ந்த காட்டுக்குள் இருப்பதாக கூறப்படுகிறது. இலங்கை வடக்கு கிழக்கு மாகாணத்தில் உள்ள விடுதலைப்புலிகள் இயக்கத்தை அவர் மீண்டும் ஒருங்கிணைக்கத்தொடங்கி உள்ளார்.

 

தமிழர்களுக்கு துரோகம் செய்த கருணா சொன்னது போல, சிங்களர்கள் பொட்டு அம்மனை கோட்டை விட்டு விட்டனர் என்று கொழும்பில் பேசப்படுகிறது. பிரபாகரன் உடலை எரித்து விட்டதாக கூறும் ராணுவ தலைமை தளபதி சரத்பொன்சேகா, பிரபாகரன் சாம்பலை இந்திய பெருங்கடலில் வீசி விட்டோம்  என்று ஒரு பத்திரிகைக்கு அளித்த பேட்டியில் திமிராக கூறியுள்ளார்.

 

பொட்டு அம்மன் உடலை அடையாளம் காண இயலவில்லை என்று சரத்பொன்சேகா கூறியுள்ளார்.

 

இதற்கிடையே முல்லைத்தீவில் நடந்த போரில் மனித உரிமை மீறல்கள் நடந்ததாக ராஜபக்சே மீது புகார் கூறப்பட்டுள்ளது. இதையொட்டி ஜெனீவாவில் வரும் செவ்வாய்க்கிழமை தொடங்க உள்ள ஐ.நா. மனித உரிமைகள் பேரவை கூட்டப்பட்டுள்ளது. அந்த கூட்டத்தில் அமெரிக்க ராணுவம் கொடுத்த சாடிலைட் புகைப்படங்களை வைத்து போர் குற்றச்சாட்டுக்கள் வைக்கப்பட உள்ளன.

 

ஐரோப்பிய நாடுகள் சில இலங்கைக்கு எதிராக இந்த குற்றச்சாட்டை உறுதிப்படுத்த தீவிரமாகி உள்ளன. இதனால் அதிர்ச்சி அடைந்துள்ள இலங்கை, ஐ.நா.சபையில் கொண்டு வரப்பட உள்ள போர் குற்றச்சாட்டு தீர்மானத்தை தோற்கடிக்கும் முயற்சிகளில் ஈடுபட்டுள்ளது.

 

இதற்கு இலங்கைக்கு இந்தியா, சீனா, பாகிஸ்தான், பக்ரைன், பொலிவியா, மலேசியா, கியூபா, எகிப்து, இந்தோனேசியா, நிகரகுவா, பிலிப்பைன்ஸ், அரேபிய நாடுகள் ஆதரவு தெரிவித்துள்ளன.