கொலைகளை உறுதிப்படுத்தும் பிரச்சாரங்களின் பின்னால் மறைக்கப்படும் மனிதப் பேரழிவை எவரும் கண்டுகொள்ளவில்லை

புலிகளின் தளபதிகளின் கொலைகளை உறுதிப்படுத்தும் பிரச்சாரங்களின் பின்னால் மறைக்கப்படும் மனிதப் பேரழிவை எவரும் கண்டுகொள்ளவில்லை – அவலக்குரலொன்று:ஆங்கில மொழியாக்கம் இணைப்பு:

 

விடுதலைப் புலிகளின் மூத்த தளபதிகள் அனைவரும்  கொல்லப்பட்டதாக கூறும் இலங்கை அரசாங்கம் அவர்களின் சடலங்களை அடையாளம் கண்டதாக தகவல்களை வெளியிட்டு வருகின்றது.

 

விடுதலைப் புலிகளின் தலைவர் வேலுப்பிள்ளை பிரபாகரன் கொல்லப்பட்டதாக வெளியிடப்பட்டுள்ள அவரது உருவத்தை பிரதிபலிக்கும் சடலத்தை பார்வையிட்ட தமிழ் மக்கள், புலம்பெயர்ந்தவர்கள், இந்தியாவின் தமிழக மக்கள் பெருளவில் அதிர்ந்து போயுள்ளனர்.

 

இந்த நிலையைச் சாதகமாகப் பயன்படுத்த தீர்மானித்துள்ள இலங்கையின் ஜனாதிபதி மஹிந்த ராஜபக்ஸ தலமையிலான அணியினர் அதன் பின்னால் நடைபெற்ற நடை பெற்றுக் கொண்டிருக்கிற பாரிய மனிதப் படு கொலையை இனப் படுகொலையை மூடி மறைக்க  முற்படுவதாக  கரைமுள்ளி வாய்க்கால் பகுதியில் இருந்து வெளியேறிய ஒருவர் அவலக் குரல் எழுப்பியுள்ளதாக குளோபல் தமிழ்ச் செய்திகளின் விசேட செய்தியாளர் தெரிவிக்கிறார்.

 

கடந்த 72 மணி நேரத்தில் பல ஆயிரக்கணக்கான மக்களை படையினர் சுட்டுக் கொன்றுள்ளதாக அவர் தன்னிடம் கூறியதாக அதிர்ச்சித் தகவலை வெளியிட்டுள்ளார்.

 

படையினரிடம் சரணடைய முற்பட்ட பெண்கள் குழந்தைகள் என்ற வித்தியாசம் இல்லாமல் பலர் சுட்டுக் கொல்லப்பட்டு உள்ளதாகவும் பல பெண்கள் இளம் யுவதிகள் இளைஞர்கள் யுத்தம் இடம் பெற்ற பிரதேசங்களிலேயே தடுத்து வைக்கப்பட்டு உள்ளதாகவும் அவர் கவலை வெளியிட்டுள்ளார்.

 

காயம் அடைந்த பலர் கவனிப்பார் இன்றி மரணித்துக் கொண்டு இருப்பதாகவும் தெரிவித்துள்ள அந்த பாதிக்கப்பட்ட பிரதேச வாசி தனது குடும்ப உறுப்பினர்கள் பலரது நிலை என்ன என்பது பற்றி தனக்குத் தெரியாது எனவும் கூறியுள்ளார்.

 

விடுதலைப் புலிகளின் தலைவர் உள்ளிட்ட மூத்த தளபதிகளின் கொலைபற்றிய தகவல்களுக்குள் சர்வதேசம் முடங்கிக் கிடப்பதாகவும் இந்த மக்களின் அவலங்களில் இருந்து அவர்களை மீட்பதற்கு அனைத்து தரப்பினரும் முயல வேண்டும் என்ற கோரிக்கையை ஊடகங்களுக்கு தெரியப்படுத்துமாறும் அவர் குளோபல் தமிழ்ச் செய்தியாளரிடம்  தளதளத்த குரலில் வேண்டியுள்ளார்.

 

சற்று முன்னர் எமக்கு கிடைத்த இந்த தகவலில் பிரபாகரனின் சடலத்தை அடையாளம் காணச் சென்ற கருணா என்ற அமைச்சர் முரளீதரன் அல்லது அவருடன் கூடச் சென்றவர்கள், மற்றும் கொழும்பில் நிலை கொண்டுள்ள ஏனைய தமிழ்க் கட்சிகளின் தலமைகள் கடந்த 72 மணி நேரத்துள் மிகப்பெரிய அவலத்தைச் சந்தித்துள்ள தற்போதும் அவலத்தில் சிக்கியுள்ள இந்த மக்கள் குறித்து இதுவரை அரசாங்கத்திற்கான அழுத்தங்களை கொடுக்காமை வருந்தத்தக்கது எனவும் அவர் குறிப்பிட்டுள்ளார்.

 

The tragedy behind those stories claiming the death of top LTTE leaders – a shattered voice

 

The Srilankan government has been publicising news reports that all senior LTTE leaders have been killed and their bodies identified.

 

Tamil people, Diasporas and people of Tamil Nadu are believed to be in a state of shock after witnessing pictures, claimed to be the body of the rebel leader.

 

A special reporter for GTN says the Mahinda Rajapakse government was trying to cover up a human tragedy and the genocide carried out against a community after witnessing a civilian from Karai Mulliwaikkal who in a shattered state cried over what happened.

 

According to GTN's reporter, this civilian revealed a shocking story and had stated thousands of civilians have been shot dead by the forces in the past seventy‐two hours.

 

He had added many civilians who tried to surrender to the forces were unmercifully shot dead, no matter whether they were men, women or children.

 

It is reported many young men and women are still being detained at the war zone itself.

 

The affected civilian had said many injured were dying inside the battle zone with no one to attend to them and went on to say he did not know the plight of many of his family members.

 

This civilian urged the international community to save them rather than being engrossed in the news highlighting the death of LTTE's top leaders.

 

Further report received a while ago states Minister Vinayagamoorthy alias Karuna and many other Tamil politicians who have been spending time to identify the claimed body of the LTTE leader had done nothing to pressurise the government to look in to the needs of those suffering civilians.
 

updated - 2009-05-19

மூலம் - GTN செய்தியாளர்: