இங்கிலாந்து இளவரசர் வில்லியம் ரகசியமாக ஆப்கானிஸ்தான் சென்றார்

 

லண்டன், மே.1-

இங்கிலாந்து நாட்டு இளவரசர் சார்லஸ் மகன் வில்லியம். 25 வயதான இவர் ஆப்கானிஸ்தானில் போரில் ஈடுபட்டு உள்ள ராணுவ வீரர்களை சந்தித்து உற்சாகப்படுத்துவதற்காக ரகசியமாக ஆப்கானிஸ்தான் சென்றார். அவர் ராணுவத்துக்கு சொந்தமான போக்குவரத்து விமானத்தில் காந்தஹார் சென்றார்.

அந்த நகரில் உள்ள விமான தளத்தில் திரண்டுஇருந்த இங்கிலாந்து ராணுவ வீரர்களுடன் 3 மணிநேரம் தங்கி இருந்தார். பிறகு அவர் இங்கிலாந்து திரும்பினார். ஆப்கானிஸ்தான் செல்வதற்கு அவரது பாட்டியும், ராணியுமான எலிசபெத் அவருக்கு அனுமதி வழங்கினார்.

http://www.dailythanthi.com/article.asp?NewsID=409842&disdate=5/1/2008